Gary Neville fyrrum fyrirliði Manchester United telur að vandamál Manchester United sé mikið stærra en það hver stýrir félaginu. Hann segir kúltúrinn hjá félaginu stórt vandamál.
Ole Gunnar Solskjær var rekinn úr starfi knattspyrnustjóra í gær eftir erfiða mánuði í starfi. Allt virtist í blóma í sumar þegar Solskjær fékk nýjan langtíma samning.
„Það er vandamál með kúltúrinn hjá félaginu. Ole hefur fengið það óþvegið síðustu mánuði, þannig er það ef þú er stjóri hjá þessu félagi. En athyglin fer núna á þá sem stjórna,“ sagði Neville.
„Athyglin fer á þá sem taka ákvarðanir, hún fer á eigendur félagsins. Þeir hafa sannað að án Sir Alex Ferguson geta þeir ekki stýrt félaginu almennilega.“
„Ef þú eyðir milljarði punda, færð inn heimsklassa stjóra eins og Mourinho og Van Gaal. Þeir geta ekki náð árangri, þá er eitthvað mikið að.“
Hann segir að það sé ekki eðlilegt að félagið geri sömu mistökin þrisvar.
„Það þarf eitthvað að breytast svo að félagið fari þangað sem það telur sig eiga heima. Þrír af fjórum stjórum hafa fengið langtíma samninga nokkrum mánuðum áður en þeir eru reknir. Það getur komið fyrir einu sinni en ekki þrisvar.“