Jack Wilshere var gabbaður á dögunum í setti hjá útvarpsstöðinni talkSPORT.
Honum var tjáð að hann ætti að bæta heimsmet yfir það hversu margar fótboltatreyjur einstaklingur hefði farið í.
Darren Bent og Andy Goldstein hjá talkSPORT sögðu hinum 29 ára gamla Wilshere að heimsmetið væri 30 treyjur. Markmiðið var því að troða honum í 31.
Það sem Wilshere vissi ekki var að það var alls ekkert heimsmet. Allt saman var þetta sett upp til þess að fá Wilshere til að klæðast treyju Tottenham. Það var 31. treyjan sem dregin var fram. Wilshere harðneitaði hins vegar að fara í treyjuna, jafnvel þó hann héldi að hann gæti með því sett heimsmet.
Ástæðan fyrir þessu er að leikmaðurinn er uppalinn hjá Arsenal og lék í tíu ár af meistaraflokksferli sínum með félaginu. Arsenal og Tottenham eru auðvitað erkifjendur.
Myndband af þessu má sjá hér fyrir neðan.
We pranked @JackWilshere 😭@AndyGoldstein05 got him to go for the World Record of wearing football shirts.
He refused to wear a Spurs one…
Look at his face when he found out 😂 pic.twitter.com/5kSVKK9PcD
— talkSPORT (@talkSPORT) November 18, 2021