Joao Cancelo hefur átt frábæra byrjun á tímabilinu hjá Manchester City í vinstri bakverðinum.
Cancelo var keyptur frá Juventus árið 2019 sem hægri bakvörður en hefur átt góða daga sem vinstri bakvörður upp á síðkastið. Guardiola telur að hann geti gert meira.
„Auðvitað hefur hann verið að spila mjög vel og verið stöðugur. Hann er líka í frábæru formi og getur auðveldlega spilað þriðja hvern dag.“
„En á sama tíma held ég að hann geti gert betur. Það eru enn hlutir sem hann þarf að bæta sig í og við höfum verið að vinna að því.“