Leicester City tók á móti Chelsea í ensku úrvalsdeildinni í dag. Chelsea vann öruggan 3-0 sigur á King Power Stadium.
Chelsea var miklu betra liðið í fyrri hálfleik og var í raun um algjöra einstefnu að ræða. Leicester átti ekki skot að marki í fyrri hálfleik.
Antonio Rudiger kom Chelsea yfir þegar um stundarfjórðungur var liðinn af leiknum með skalla eftir hornspyrnu frá Ben Chilwell. N´Golo Kante tvöfaldaði forystuna á 28. mínútu eftir frábært einstaklingsframtak.
Seinni hálfleikurinn byrjaði svipað en heimamenn unnu sig aðeins inn í leikinn. Tvöföld skipting Chelsea eftir klukkutíma leik skipti sköpum og var það Christian Pulisic sem skoraði þriðja markið á 71. mínútu.
Chelsea heldur toppsætinu en Leicester er í 12. sæti deildarinnar.
Leicester 0 – 3 Chelsea
0-1 Antonio Rudiger (´14)
0-2 N´Golo Kante (´28)
0-3 Christian Pulisic (´71)