fbpx
Fimmtudagur 02.desember 2021
433Sport

Gunnar hafði litla sem enga trú á Birki en segir í dag – „Mikið sem ég hafði rangt fyr­ir mér“

Hörður Snævar Jónsson
Þriðjudaginn 16. nóvember 2021 08:36

Ekki missa af Helstu tíðindum dagsins í pósthólfið þitt

Lesa nánar

Birkir Már Sævarsson hefur leikið sinn síðasta leik fyrir íslenska landsliðið. Hann tilkynnti þetta eftir tap gegn Norður-Makedóníu

Hinn 37 ára gamli Birkir lék 103 A-landsleiki á ferlinum. Hann er þriðji leikjahæsti leikmaður Íslands frá upphafi á eftir þeim Birki Bjarnasyni og Rúnari Kristinssyni.

Gunnar Egill Daníelsson blaðamaður á Morgunblaðinu skrifar um Birki í blaði dagsins. Hann hafði litla sem enga trú á honum þegar hann sá til hans með Val árið 2007.

„Ég viður­kenni fús­lega að ég gat ekki séð fyr­ir að það yrði raun­in þegar Birk­ir Már var að gera sig gild­andi með Val hér heima og lék sinn fyrsta lands­leik árið 2007. Mér þótti ekki mjög mikið til hans koma fyrstu árin hans með landsliðinu. Jú hann var fljót­ur en ég sá ekki mikið meira í hans leik,“ skrifar Gunnar í Morgunblað dagsins.

Gunnar sér það í dag að hann hafði rangt fyrir sér enda hefur Birkir átt magnaðan feril bæði sem atvinnumaður og með landsliðinu.

„Mikið sem ég hafði rangt fyr­ir mér! Fyr­ir mér er Birk­ir Már tví­mæla­laust besti hægri bakvörður í sögu karla­landsliðsins. Áreiðan­legri leikmaður er vand­fund­inn; ávallt var hægt að treysta á góða frammistöðu frá hon­um á ótrú­legu gull­ald­ar­skeiði landsliðsins.“

„Það er ekki á hvers manns færi að vera með Li­o­nel Messi, besta knatt­spyrnu­mann sög­unn­ar, í vas­an­um en Birk­ir Már lét það líta út fyr­ir að vera auðvelt á HM 2018. Hann er mjög gott dæmi um „late bloomer“ þar sem hann hélt áfram að bæta sinn leik, á öll­um sviðum, vel inn á fer­tugs­ald­ur­inn. Magnaður karakt­er hans hef­ur þar ef­laust haft mikið að segja.“

Birkir sem eins og fyrr segir kveður nú landsliðið eftir magnaðan feril en hann mun áfram spila fyrir Val.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 21 klukkutímum

Enski boltinn: Neal Maupay náði í stig fyrir Brighton – Maddison aftur á skotskónum

Enski boltinn: Neal Maupay náði í stig fyrir Brighton – Maddison aftur á skotskónum
433Sport
Fyrir 22 klukkutímum

Muller varar Barcelona við

Muller varar Barcelona við
433Sport
Í gær

Moyes byrjaður að daðra við Lingard fyrir janúar

Moyes byrjaður að daðra við Lingard fyrir janúar
433Sport
Í gær

Arnar tjáir sig loks um mál Eiðs Smára – Þungbær ákvörðun en ,„hún var nauðsynleg“

Arnar tjáir sig loks um mál Eiðs Smára – Þungbær ákvörðun en ,„hún var nauðsynleg“
433Sport
Í gær

Klopp vel pirraður – „Nei, þið getið ekki skrifað um þetta á eðlilegan hátt“

Klopp vel pirraður – „Nei, þið getið ekki skrifað um þetta á eðlilegan hátt“
433Sport
Í gær

Kári Árna um svartnættið í dag og hvað þarf að gera – „Menn tóku ábyrgð á því sem þeir voru að gera“

Kári Árna um svartnættið í dag og hvað þarf að gera – „Menn tóku ábyrgð á því sem þeir voru að gera“