Um 16 þúsund áhorfendur fá að mæta á leik Íslands gegn Norður-Makedóníu í Skopje í dag.
Leikurinn er liður í undankeppni Heimsmeistaramótsins í Katar sem fram fer í nóvember á næsta ári.
Leikvangurinn sem leikið verður á, Todor Proeski, tekur almennt 33 þúsund manns. Aðeins má þó nýta 50 prósent sæta vegna reglna sökum kórónuveirufaraldursins.
Ísland er í fimmta sæti riðilsins með 9 stig og á ekki möguleika á að komast á HM fyrir þennan lokaleik sinn í riðlinum.
N-Makedónar eru í öðru sæti með 15 stig og tryggja umspilssæti um þátttökurétt í lokakeppninni í Katar með sigri á Íslandi í dag. Rúmenar anda þó ofan í hálsmálið á þeim. Liðið er með 14 stig.
Nánast bókað er að Rúmenar vinna sinn leik gegn Liechtenstein í dag. Ísland mun því að öllum líkindum skemma drauma N-Makedóna með því að gera jafntefli eða sigra í dag.