Valur hefur sent frá sér yfirlýsingu vegna færslu sem félagið setti á Twitter um starfslok Hannesar Halldórssonar hjá félaginu. Er ástæðan sögð vera misheppnaður einkahúmor sjálfboðaliða
Á Twitter var fullyrt að Hannes hefði verið rekinn frá félaginu en er það fjarri sannleikanum.
Meira:
Valsmenn eyða færslu sinni og biðja Hannes afsökunar – „HANNES ÞÓR HALLDÓRSSON REKINN!!“
Yfirlýsing Vals.
Misheppnaður einkahúmor sjálfboðaliða um starfslok Hannesar Þór Hallsórssonar voru birt fyrir mistök á facebook síðu Valur fótbolti. Þessi fyrirsögn lýsir á engan hátt starfslokum Hannesar hjá Val sem voru í mesta bróðerni.
Valur fótbolti hefur haft samband við Hannes Þór og beðist afsökunar, jafnframt biðjum við alla aðra hluðaðeigandi velvirðingar.
Meira:
Hannes Þór um endalokin á Hlíðarenda „Þarf að melta stöðuna og tek næstu vikur í það“
Færslan stóð á Twitter í um fimm mínútur en þar var fyrirsögnin. „HANNES ÞÓR HALLDÓRSSON REKINN!!“
Merktir við færsluna voru nokkrir fjölmiðlar en þar á meðal var RÚV og Morgunblaðið.
Hannes og Valur náðu samkomulagi um starfslok í dag. „Ég held að staðan hafi verið þannig, það var bara ein leið út úr þessu. Báðir aðilar fundu það, við fórum að ræða þennan möguleika og þetta var niðurstaðan sem komumst að,“ segir Hannes Þór í viðtali við 433.is um málið.
Hannes gekk í raðir Vals fyrir tímabilið 2019, það tímabil reyndist öllum í Val erfitt og Hannesi þar á meðal. Sumarið 2020 varð Valur Íslandsmeistari og var Hannes besti markvörður deildarinnar. Sumarið 2021 var svo erfitt á Hlíðarenda en Hannes var jafn besti leikmaður liðsins og einn allra besti markvörður deildarinnar.