Jóhann Berg Guðmundsson verður ekki með íslenska landsliðinu sem heimsækir Rúmeníu í undankeppni HM í kvöld. Er það skarð fyrir skildi miðað við hæfni Jóhanns og tölfræði sem birt var í dag.
Ísland og Rúmenía hafa mæst fjórum sinnum í A landsliðum karla. Rúmenar hafa unnið þrjá leiki og Íslendingar einn og sá sigur kom í undanúrslitaleik umspils um sæti í úrslitakeppni EM síðasta haust, en sem kunnugt er tapaði íslenska liðið síðan fyrir Ungverjum í úrslitaleik um EM-sæti á lokamínútunum.
Jóhann Berg gaf ekki kost á sér í verkefnið og vill einbeita sér að Burnley í ensku úrvalsdeildinni.
Jóhann er með nákvæmustu fyrirgjafirnar í landsleikjum á þessu ári. AF þeim 75 leikmönnum sem hafa reynt 20 fyrirgjafir eða meira í undankeppni UEFA fyrir Heimsmeistaramótið er Jóhann í sérflokki.
50 prósent af fyrirgjöfum hans hafa ratað á samherja en Jóhann hefur tekið þátt í fjórum af átta leikjum Íslands.
🎯 Of the 75 players to have attempted 20+ crosses, Johann Gudmundsson has a better cross accuracy (50%) than any other player in UEFA World Cup qualifying @BurnleyOfficial
— WhoScored.com (@WhoScored) November 10, 2021
