Manchester United hefur ráðið til starfa yfirmann greiningardeildar en um er að ræða nýtt starf hjá félaginu.
Dominic Jordan er maðurinn sem United fær til starfa en honum er ætlað að rýna til gagns úr öllum þeim tölfræðiþáttum sem til eru um leikmenn.
Jordan útskrifaðist úr Cambridge University og er sagður góður í sínu fagi.
Honum er ætlað að búa til teymi og ráða inn starfsmenn sem rýna í öll gögn sem nú eru til um knattspyrnuleikmenn.