Hatice Cengiz blöskrar sú gleði sem ríkir í Newcastle eftir að fjárfestar frá Sádí-Arabíu keyptu félagið í gær. Cengiz var eiginkona blaðamannsins Jamal Khashoggi sem myrtur var fyrir þremur árum.
Jamal Khashoggi gagnrýndi þá harkalega Mohammed bin Salman krónprins Sádí-Arabíu og var myrtur í kjölfarið. Salman er maðurinn á bak við kaupin á Newcastle
Lögregluyfirvöld telja að Salman hafi fyrirskipað morðið á Khashoggi.
„Þetta eru mikil vonbrigði,“ sagði Cengiz um málið. „Frá morðinu hef ég á hverjum degi leitað eftir réttlæti fyrir Khashoggi. Þessar fréttir um yfirtöku fóru að berast og ég bað fólk um virðingu. Ég vildi ekki sjá þetta gerast.“
„Stuðningsmönnum Newcastle virðist vera alveg sama um Khashoggi. Þeir hugsa aðeins um fjármunina sem félagið hefur nú aðganga að. Það er margt mikilvægara í þessu lífi en sterk fjárhagstaða knattspyrnufélags. Það eru til stærri gildi í þessu lífi.“
„Vegna afbrota sinna ætti þetta fólk ekki að geta keypt enskt knattspyrnufélag.“