Odsonne Edouard, leikmaður Crystal Palace í ensku úrvalsdeildini, hefur greitt miskabætur eftir að hafa gert mann heyrnarlausan á öðru eyranu.

Edouard sem er frá Frakklandi gekk í raðir Crystal Palace í sumar en félagið fór að blanda sér í málið. Atvikið átti sér stað árið 2017 þegar framherjinn var í eigu PSG. Framherjinn var í láni hjá Toulouse.

Málið fór fyrir dómara og var Edouard dæmdur í fjögurra mánaða skilorðsbundinn fangelsi. Honum var einnig gert að greiða Francis Guiral 3,5 milljónir íslenskra króna í bætur.

Lögmenn Edouard héldu því fram að ekki væri hægt að sanna brot hans. „Ég gekk í rólegheitum í Busca hverfinu í Toulouse þegar bíll stoppaði hjá mér. Bílstjórinn skrúfaði rúðuna niður og ég setti eyrað upp að. Ég heyrði svo bara hvell, ég féll í jörðina og það blæddi úr eyranu. Ökumaðurinn ók í burt,“ sagði Guiral um atvikið.

Edouard er gefið að sök að hafa skotið með loftriffli í eyra mannsins. Sektina hafði hann ekki borgað fyrr en á dögunum þegar enska félagið fór í málið og sagði honum að borga.