Lögmaðurinn Sigurður G Guðjónsson heldur áfram að leggja orð í belg þegar kemur að málefnum KSÍ. Sigurður segir að Knattspyrnusambandið og stjórn þess geti samkvæmt reglum ekki skipt sér af vali landsliðsþjálfara. Breyta þurfi reglum svo að hægt sé að banna þjálfara að velja leikmenn sem sakaðir sé um lögbrot.

Slík málefni hafa verið til umræðu í rúman mánuð eftir að fyrrum stjórn sambandsins bannaði Arnari Viðarssyni að velja Kolbein Sigþórsson í hóp sinn í september. Sama umræða hefur nú skapast í kringum Aron Einar Gunnarsson, Arnar Þór ákvað að vernda hóp sinn og valdi ekki Aron Einar af ótta við að honum yrði hent úr hópnum.

Þegar Arnar valdi hóp sinn var enginn meðvitaður um að kæra hefði verið lögð á hendur Aroni. Er það mál nú til rannsóknar hjá lögreglu.

Nýr formaður sambandsins, Vanda Sigurgeirsdóttir hefur boðað það að ef mál leikmanna hjá KSÍ eru til skoðunar þá spili þeir ekki. „Ég er þeirrar skoðunar að ef mál eru hjá samskiptaráðgjafa íþrótta- og æskulýðsstarfs sem tók til starfa árið 2020, meðan mál eru til skoðunar, þá finnst mér að fólk eigi að víkja,“ sagði Vanda við RÚV á laugarda.g

„Þá finnst mér þetta: meðan mál eru til skoðunar, þá áttu ekki að leika. Við erum ekki eitthvert eyland KSÍ þarna. Þetta er mín skoðun. Ég ræð ekki öllu. En það eru mörg fyrirtæki og stofnanir sem eru með þessar sömu reglur. Þannig að þetta er það sem mér finnst eðlileg málsmeðferð. Við viljum taka á málum en ekki sópa neinu undir teppið,“

Sigurður Guðni stakk niður penna á Facebook síðu RÚV nú í morgun og skrifaði. „Er ekki best að KSÍ fari að eigin reglum og þeim reglum sem sambandið er bundið af ÍSÍ, UEFA og FIFA. Stórn KSÍ velur ekki landslið, heldur landsliðsþjálfari og hann velur landslið með tilliti til andstæðinga en ekki álits einhverra hópa á einstökum mönnum,“ skrifar Sigurður sem hefur lengi starfað innan knattspyrnuhreyfingarinnar.

Hann heldur svo áfram. „KSÍ getur auðvita samþykkt á ársþingi þá reglu að enginn sem sakaður er um refsiverðaháttsemi spili ekki fótbolta. Meðan engar reglur eru í þessa veru verður stjórn KSÍ að láta val landsliðs afskiptalaust.“