Raheem Sterling, leikmaður Manchester City, er óvænt orðaður við Barcelona í spænska miðlinum Sport.
Enski landsliðsmaðurinn er ekki fastamaður í byrjunarliði Pep Guardiola hjá Man City. Stjórinn virðist frekar sjá hann sem leikmann sem getur komið inn á af bekknum og gert sig gildandi.
Sterling gerir sér grein fyrir því að heimsmeistaramótið í Katar fer fram eftir rúmt ár. Þrátt fyrir að hann virðist vera inni í myndinni hjá Gareth Southgate, landsliðsþjálfara Englands, þá má ætla að Sterling vilji vera fastamaður hjá félagsliði og koma í sínu besta formi inn í mótið.
Fjárhagsvandræði Barcelona eru flestum kunnug. Félagið gat til að mynda ekki samið við Lionel Messi á ný í sumar og þurfti að horfa á eftir þessari goðsögn félagsisns til Paris Saint-Germain.
Vegna þessara vandræða yrði líklegt að Sterling færi á láni til Barcelona, samkvæmt Sport.