Börkur Edvardsson formaður knattspyrnudeildar Vals boðar niðurskurð hjá karlaliði félagsins eftir erfitt sumar. Þetta kemur fram á Vísir.is.
„Þetta er mikið högg og áfall að hafa ekki komist í Evrópukeppni á næsta ári. Það fylgir því rosalegt tekjutap. Eðli málsins samkvæmt þurfum við því að leita leiða til að ná niður kostnaði,“ segir Börkur Edvardsson, formaður Vals, í samtali við Vísi.
Kristinn Freyr Sigurðsson fékk ekki boð um nýjan samning og þá eru Christian Köhler, Johannes Vall, Kaj Leo í Bartalsstovu Magnus Egilsson allir á förum.
„Við vorum með stóran hóp og mikla umgjörð, og við verðum að taka til og hagræða,“ segir Börkur.
Þá virðist félagið vera að reyna að losa sig við Hannes Þór Halldórsson, besta markvörð í sögu Íslands en Guy Smit hefur samið við Val og kemur frá Leikni.