Arnar Þór Viðarsson ætlar að ræða við Jóhann Berg Guðmundsson kantmann Burnley í rólegheitum. Jóhann er ekki í komandi verkefni landsliðsins vegna meiðsla.

Jóhann sagði í viðtali við okkur í gær að hann væri þó ekki sáttur með vinnubrögð KSÍ undanfarið. Mikil ólga hefur verið innan KSÍ undanfarnar vikur. Fyrrum stjórn hafði afskipti af vali á leikmönnum og svo virðist sem núverandi formaður ætli að vera á sömu línu. „Ég get alveg viðurkennt að það hafði áhrif á ákvörðun mína í þetta sinn að ég hef ekki verið fyllilega sáttur við vinnubrögð sambandsins undanfarin misseri,“ sagði Jóhann um stöðu mála.

Arnar var spurður út í þessa ákvörðun Jóhanns. „Við að sjálfsögðu reyndum að sannfæra Jóa, hann var fyrirliði liðsins í síðasta glugga. Þetta hefur verið erfitt fyrir Jóhann út af meiðslunum, eftir leik helgarinnar þar sem hann byrjaði á bekknum . Hann fékk í nárann, hann sagðist ekki vera 100 prósent,“ sagði Arnar.

Hann ætlar að ræða við Jóhann í rólegheitum um það hvað hann er ósáttur við. „Síðan er tilkynning um KSÍ sem við höfum ekkert rætt við Jóa, við munum gera það í rólegheitum,“ sagði Arnar.