Arsene Wenger lét af störfum sem þjálfari Arsenal árið 2018 eftir 22 ár við stjórnvölinn. Wenger er sigursælasti stjóri Arsenal frá upphafi og stýrði frábærum liðum með leikmönnum á borð við Thierry Henry, Cesc Fabregas og Dennis Bergkamp, en Frakkinn vann þrjá Englandsmeistaratitla og sjö FA bikara á tíma sínum með félaginu.
Wenger fékk til sín 126 leikmenn á þeim árum sem hann var þjálfari og The Mirror tók saman lista yfir þá tíu dýrustu.
Fjórir leikmenn á listanum eru enn á mála hjá Arsenal en það eru þeir Calum Chambers, Granit Xhaka, Alexandre Lacazette og Pierre Emerick Aubameyang.
Alexis Sanchez er í 6. sæti á listanum en hann kom til Lundúnarliðsins frá Real Madrid árið 2014 og var einn af bestu leikmönnum deildarinnar áður en hann gekk til liðs við Man United fjórum árum seinna í skiptum fyrir Henrikh Mkhitaryan.
Mesut Özil kom til Arsenal frá Real Madrid ári á undan Sanchez á 42.5 milljónir punda og er líklega einn besti leikmaður Arsenal síðustu ára en hann fór til Fenerbache á frjálsri sölu í janúar á þessu ári eftir að hafa fengið lítið að spila undir stjórn Unai Emery og síðar Mikel Arteta.
Listinn:
10. Danny Welbeck – 16 mp
9. Lucas Perez – 17.1 mp
8. Jose Antonio Reyes 17.5 mp
7. Calum Chambers – 18 mp
6. Alexis Sanchez – 32 mp
5. Granit Xhaka – 34 mp
4. Shokran Mustafi – 35 mp
3. Mesut Özil – 42.5 mp
2. Alexandre Lacazette – 47 mp
1. Pierre Emerick Aubameyang – 56 mp