Vanda Sigurgeirsdóttir formaður KSÍ vill eiga samtal við Jóhann Berg Guðmundsson og aðra landsliðsmenn sem eru ósáttir með vinnubrögð sambandsins undanfarna mánuði. Þetta er eitt af því sem kemur fram í ítarlegri grein The Athletic.
Eins og alþjóð veit hefur gustað um sambandið síðustu vikur, leikmenn hafa verið sakaður um gróf brot. Þá féll stjórnin og Guðni Bergsson sagði af sér vegna mála tengdum því.
Meira:
Teikna upp svarta mynd af sögunni í kringum KSÍ – Ný gögn í máli Arons og Eggerts á borði lögreglu
Jóhan Berg tók ekki þátt í síðasta verkefni landsliðsins vegna meiðsla. Tók hann þó fram að hann væri ósáttur með vinnubrögð KSÍ undanfarnar vikur. Jóhann útskýrði mál sitt ekki frekar, því hefur ekki komið fram við hvað hann var og er ósáttur.
Vanda ræddi málið við The Athletic en vitað er um fleiri aðila sem eru ósáttir með KSÍ. „Ég er með skilaboð til þeirra, ef þið eruð ósáttir með eitthvað. Það eru ekki bara þessi mál, komið og ræðið við okkur,“ sagði Vanda.
Meira:
Jóhann Berg tæpur en segir: „Hef ekki verið fyllilega sáttur með vinnubrögð sambandsins“
„Ég hef lofað því að ég mun hlusta á fólk, að ég muni taka samtalið.“
Aðgerðahópurinn Öfgar kemur einnig fram í greininni og ræða þær um Jóhann Berg, er hann meðal annars sakaður um gerendameðvirkni.