Chelsea hefur áhuga á Mauro Icardi, framherja Paris Saint-Germain, samkvæmt fréttum frá Spáni.
Hinn 28 ára gamli Icardi hefur verið mikið í umræðunni undanfarið ásamt eiginkonu sinni Wöndu Nara.
Nara hefur sakað Icardi um framhjáhald undanfarið og virtist hún hafa slitið sambandinu í síðustu viku. Hún mætti hins vegar aftur heim til Parísar og var með ástarjátningar í garð Icardi. Allt virtist nú leika í blóma á nýjan leik.
Nara er ansi umdeild og tekur fyrirsagnirnar reglulega. Hún fór til að mynda frá Maxi Lopez, sem á þeim tíma var liðsfélagi Icardi, til þess að vera með þeim síðarnefnda. Nara sakaði Lopez einnig um framhjáhald. ,,Aftur skemmirðu fjölskyldu fyrir kynlíf,“ skrifaði Wanda á Instagram í síðustu viku.
Sambandið sprakk svo í loft upp um helgina þar sem Icardi henti konu sinni út af Instagram og sambandið virtist á enda. Í gær var komið að nýrri u-beygju í sambandinu. Báði fóru á samfélagsmiðla til að tjá sig um hvað þau elskuðu hvort annað heitt.
Icardi er ekki reglulegur byrjunarliðsmaður undir stjórn Mauricio Pochettino hjá PSG og gæti því leitað annað.
Samningur Argentínumannsins rennur út árið 2024 en Chelsea gæti reynt við hann í janúar.