Ole Gunnar Solskjær þarf ekki að óttast um peninga verði hann rekinn úr starfi hjá Manchester United á næstunni. Stjórinn stendur á hálum ís og gæti þurft að taka poka sinn innan tíðar.
Stjórn félagsins fundaði um stöðu Solskjær í vikunni eftir mjög slæmt tap gegn Liverpool um liðna helgi.
Stór hluti stuðningsmanna United vill reka Solskjær. Taki stjórnin þá ákvörðun þarf félagið að greiða honum 7,5 milljón punda.
Solskjær myndi því labba úr starfinu með rúman 1,3 milljarð íslenskra króna og peningar yrðu ekki vandamál fyrir hann eða fjölskyldu hans á næstunni.
Solskjær hefur stýrt United í tæp þrjú ár og hefur gert margt gott en hann virðist nú á endastöð með liðið.