Juventus tapaði á heimavelli gegn Sassuolo í leik í Serie A sem var að ljúka.
Davide Frattesi kom Sassuolo yfir á 44. mínútu. Gestirnir leiddu í hálfleik.
Weston McKennie jafnaði fyrir Juventus þegar tæpur stundarfjórðungur lifði leiks.
Maxime Lopez skoraði svo sigurmark gestanna á fimmtu mínútu uppbótartíma. Lokatölur 1-2.
Juventus hefur verið í vandræðum á tímabilinu. Liðið er aðeins með 15 stig í sjöunda sæti deildarinnar eftir tíu leiki.
Sassuolo er í níunda sæti með 14 stig eftir jafnmarga leiki.
Tveir aðrir leikir fóru fram í Serie A á sama tíma og leikur Juventus og Sassuolo. Atalanta vann 1-3 sigur á Sampdoria á útivelli og Udinese og Verona gerðu 1-1 jafntefli.