Barcelona tapaði á útivelli gegn Rayo Vallecano í spænsku La Liga í kvöld.
Radamel Falcao gerði eina mark leiksins þegar hálftími var liðinn. Memphis Depay brenndi af víti fyrir gestina á 72. mínútu.
Barcelona er í níunda sæti deildarinnar með 15 stig eftir tíu leiki. Rayo Vallecano er í fimmta sæti með 19 stig.
Vandræði Barcelona hafa mikið verið í umræðunni. Það er ljóst að ekki slokknar á henni eftir þetta tap.
Það má ætla að sæti Ronald Koeman, stjóra liðsins, sé orðið sjóðandi heitt.
Barcelona hefur nú tapað fjórum af síðustu sex leikjum sínum í öllum keppnum.