16-liða úrslitum enska deildabikarsins lauk nú fyrir stuttu með fimm leikjum.
Preston 0-2 Liverpool
Liverpool vann 0-2 sigur á Preston með mörkum frá Takumi Minamino og Divock Origi í seinni hálfleik.
Jurgen Klopp, stjóri Liverpool, tefldi fram hálfgerðu varaliði í leiknum.
Burnley 0-1 Tottenham
Lucas Moura gerði eina mark leiksins í sigri Tottenham gegn Burnley á útivelli. Markið skoraði hann á 68. mínútu.
Jóhann Berg Guðmundsson var í byrjunarliði Burnley í leiknum. Honum var skipt út af þegar stundarfjórðungur lifði leiks.
Stoke 1-2 Brentford
Brentford leiddi 0-2 í hálfleik gegn Stoke eftir mörk frá Sergi Canos og Ivan Toney. Romaine Sawyers minnkaði muninn fyrir Stoke á 57. mínútu. Nær komust þeir þó ekki.
West Ham 0-0 Man City (5-3 eftir vítaspyrnukeppni)
Ekkert var skorað í venjulegum leiktíma í leik West Ham og Manchester City. West Ham vann þó 5-3 eftir vítaspyrnukeppni. Það er því ljóst að Man City ver ekki titilinn eftir að hafa unnið hann alla tíð síðan 2018.
Leicester 2-2 Brighton (4-2 eftir vítaspyrnukeppni)
Harvey Barnes kom Leicester yfir gegn Brighton á 6. mínútu. Adam Webster jafnaði fyrir Brighton í uppbótartíma fyrri hálfleiks en Ademola Lookman kom Leicester strax aftur yfir.
Enock Mwepu jafnaði svo fyrir Brighton á 71. mínútu. Staðan 2-2 eftir venjulegan leiktíma og því farið í vítaspyrnukeppni. Þar hafði Leicester betur.
Dregið verður í 8-liða úrslit á laugardag.