Starf Ole Gunnar Solskjær er í hættu eftir að hreint ótrúlegan leik í ensku úrvalsdeildinni í gær. Manchester United tók á móti erkifjendunum í Liverpool. Liverpool vann 5-0 stórsigur á United í leiknum. Cristiano Ronaldo hefur sent frá sér stutta yfirlýsingu vegna þess.
Liverpool byrjaði af krafti en Keita kom þeim yfir eftir fimm mínútur og Jota tvöfaldaði forystuna tæpum tíu mínútum síðar. Leikurinn róaðist aðeins eftir það þar til Salah skoraði þriðja markið á 38. mínútu. Salah gerði svo út um leikinn í uppbótartíma fyrri hálfleiks þegar hann skoraði fjórða mark Liverpool. Staðan var því 4-0 fyrir gestunum í hálfleik, hreint ótrúlegar tölur og stuðningsmenn púuðu á sitt lið er það gekk til búningsklefa.
Salah fullkomnaði þrennuna í byrjun seinni hálfleiks og leikmenn Manchester United virtust hreinlega vera búnir að gefast upp. Stuttu síðar kom Ronaldo knettinum í netið en markið var dæmt af vegna rangstöðu. Á 60. mínútu fékk Pogba að líta beint rautt spjald eftir tæklingu á Naby Keita og leikmenn United því orðnir tíu og verkefnið erfitt.
Leikurinn róaðist nokkuð eftir það og ekki voru fleiri mörk skoruð og ótrúlegur 5-0 sigur Liverpool staðreynd í gær. Solskjær var í sárum eftir leik og vill stór hópur stuðningsmanna reka hann.
Solskjær sagðist aldrei hafa upplifað eins slæman dag á ferli sínum. Að leik loknum var hann þó með reisn til að fara til stuðningsmanna og spjalla við þá um langt skeið, gaf hann áritanir og fleira til að reyna að gleðja stuðningsmenn.
Hefur Solskjær fengið mikið lof fyrir að fara ekki í felur eftir tapið slæma.
Even after – in his own words – being at “rock bottom” today, Ole Gunnar Solskjaer is still outside signing autographs at Old Trafford pic.twitter.com/MITrCg4Yzt
— Rob Harris (@RobHarris) October 24, 2021
