Svipbrigði Sir Alex Ferguson yfir leik Manchester United og Liverpool í gær segja alla söguna, fyrrum stjóri félagsins var í sárum á meðan Kenny Dalglish fyrrum stjóri Liverpool var skælbrosandi.

Liverpool byrjaði af krafti en Naby Keita kom þeim yfir eftir fimm mínútur og Diogo Jota tvöfaldaði forystuna tæpum tíu mínútum síðar. Leikurinn róaðist aðeins eftir það þar til Mo Salah skoraði þriðja markið á 38. mínútu. Salah gerði svo út um leikinn í uppbótartíma fyrri hálfleiks þegar hann skoraði fjórða mark Liverpool. Staðan var því 4-0 fyrir gestunum í hálfleik, hreint ótrúlegar tölur og stuðningsmenn púuðu á sitt lið er það gekk til búningsklefa.

Salah fullkomnaði þrennuna í byrjun seinni hálfleiks og leikmenn Manchester United virtust hreinlega vera búnir að gefast upp. Stuttu síðar kom Ronaldo knettinum í netið en markið var dæmt af vegna rangstöðu. Á 60. mínútu fékk Pogba að líta beint rautt spjald eftir tæklingu á Naby Keita og leikmenn United því orðnir tíu og verkefnið erfitt.

Margir hafa fengið illt í hjartað að sjá Ferguson í stúkunni eftir að hafa komið félaginu í fremstu röð. Nú er staðan önnur og óvíst er hvenær United kemst aftur í fremstu röð. Svipbrigði Ferguson segja alla söguna en þau má sjá hér að neðan.

Leikurinn róaðist nokkuð eftir það og ekki voru fleiri mörk skoruð og ótrúlegur 5-0 sigur Liverpool staðreynd í gær.

Sir Alex Ferguson: 😧

Sir Kenny Dalglish: 😆

👉 https://t.co/ieSw1MM4DZ pic.twitter.com/Wv1luZ72yM

— Fox Football (@FOXFOOTBALL) October 24, 2021