Fjórum leikjum var að ljúka í ensku úrvalsdeildinni rétt í þessu. Watford sigraði Everton, Leeds jafnaði metin undir lokin gegn Wolves, Crystal Palace gerði jafntefli við Newcastle og Sothampton og Burnley skildu jöfn.
Crystal Palace tók á móti Crystal Palace og lauk leiknum með 1-1 jafntefli. Crystal Palace stýrði lunganu úr leiknum og gerðu sig líklega til að skora í fyrri hálfleik. Christian Benteke kom þeim yfir snemma í seinni hálfleik með laglegum skalla en Callum Wilson jafnaði með bakfallsspyrnu stuttu síðar. Benteke skoraði mark undir lok leiks en það var dæmt af og 1-1 niðurstaðan því staðreynd.
Crystal Palace 1 – 1 Newcastle
1-0 C. Benteke (´56)
1-1 C. Wilson (´65)
Everton tók á móti Watford en leiknum lauk með 2-4 sigri gestanna. Tom Davies kom Everton yfir strax á 3. mínútu en Joshua King jafnaði tíu mínútum síðar. Jafnræði var með liðunum en Richarlison kom heimamönnum yfir á 63. mínútu með laglegum skalla gegn sínum gömlu félögum. Juraj Kucka jafnaði metin fyrir Watford með glæsilegum skalla á 78. mínútu og Joshua King kom gestunum yfir tveimur mínútum síðar. King fullkomnaði svo þrennuna með marki undir lok leiks. Emmanuel Dennis skoraði fimmta mark Watford í uppbótartíma og kórónaði þar með góðan sigur Watford.
Everton 2 – 5 Watford
1-0 T. Davies (´3)
1-1 J. King (´13)
2-1 Richarlison (´63)
2-2 J. Kucka (´78)
2-3 J. King (´80)
2-4 J. King (´87)
2-5 E. Dennis (´90)
Southampton tók á móti Burnley og skildu liðin jöfn. Cornet sem keyptur var frá Lyon í sumar kom Burnley yfir strax á 13. mínútu leiksins með glæsilegum skalla. Livramento jafnaði metin undir lok fyrri hálfleiks. Broja, lánsmaður Chelsea, kom heimamönnum yfir snemma í seinni hálfleik eftir mistök varnarmanna Burnley en Cornet jafnaði metin með sínu öðru marki í leiknum stuttu síðar. Þess má geta að Jóhann Berg Guðmundsson byrjaði á bekknum og kom inn á á 78. mínútu leiksins.
Southampton 2 – 2 Burnley
0-1 M. Cornet (´13)
1-1 V. Livramento (´41)
2-1 A. Broja (´50)
2-2 M. Cornet (´57)
Loks tók Leeds á móti Wolves þar sem gestirnir höfðu betur. Leeds var sterkara liðið í leiknum en Hee-Chan kom Wolves yfir snemma leiks. Leikmenn Leeds sóttu stíft og uppskáru í uppbótartíma þegar Rodrigo jafnaði metin úr vítaspyrnu.
Leeds 1 – 1 Wolves
0-1 Hwang Hee-Chan (´10)
1-1 Rodrigo (´90+4)
