Guðmundur Þórarinsson, leikmaður New York City FC og íslenska karlalandsliðsins, skoraði stórkostlegt mark úr aukaspyrnu gegn Atlanta United í MLS deildinni í nótt. Leiknum lauk með 1-1 jafntefli.
Guðmundur byrjaði leikinn á varamannabekk New York en var skipt inn á í stöðunni 1-0 fyrir Atalanta á 61. mínútu.
Á 89. mínútu fékk New York aukaspyrnu rétt fyrir utan vítateig Atalanta. Guðmundur tók spyrnuna og klíndi boltanum upp í samskeytin framhjá Brad Guzan, fyrrum markmanni Aston Villa í ensku úrvalsdeildinni. Stórglæsilegt mark hjá Guðmundi.
Leiknum lauk með 1-1 jafntefli en mark Guðmunds má sjá hér fyrir neðan:
CLUTCH 🥶🏹🎯 pic.twitter.com/Tqu2Pvi61l
— New York City FC (@NYCFC) October 21, 2021