Íslenska karlalandsliðið í knattspyrnu er í 62. sæti á nýjum heimslista sem var gefinn út af FIFA í dag. Liðið fellur niður um tvö sæti frá síðasta lista.
Hæst hefur Ísland verið í 18. sæti listans árið 2018 en lægst í 131. sæti árið 2012.
Nú er svo komið að Ísland situr í 62. sæti með 1397 stig, einu sæti neðar en Burkina Fasó sem er með 1401 stig á nýja listanum.
Ísland hefur fallið jafnt og þétt niður listann árið 2021. Byrjaði árið í 46. sæti, datt niður í 52. sæti í apríl, 53. sæti í ágúst, 60. sæti í september og er nú í 62. sæti.
Belgar sitja í 1. sæti listans, Brasilía er í 2. sæti og Frakkar í því þriðja.