Átta leikjum var að ljúka í Evrópudeild karla í kvöld en alls voru 14 leikir spilaðir í keppninni í dag.
West Ham og Leicester eru einu ensku liðin í keppninni eins og stendur en þau lið sem enda í 3. sæti í riðlakeppni Meistaradeildarinnar fá sæti í 32-liða úrslitum Evrópudeildarinnar.
Leicester vann 4-3 sigur á Spartak Moskvu í gær eftir að hafa lent 2-0 undir í fyrri hálfleik. Hinn efnilegi Patson Daka skoraði öll fjögur mörk Leicester í leiknum.
West Ham hafði unnið fyrstu tvo leiki sína í riðlakeppninni og hélt sigurgöngu sinni áfram í kvöld með 3-0 sigri á Genk á London vellinum.
Craig Dawson náði forystunni fyrir heimamenn með skalla eftir hornspyrnu frá Aaron Cresswell. Cresswell lagði einnig upp annað mark West Ham þegar hann gaf fyrir á kollinn á Issa Diop sem skallaði boltann í netið á 57. mínútu og Jarod Bowen setti punktinn yfir i-ið tveimur mínútum síðar með þriðja marki heimamanna sem er með fullt hús stiga á toppi H-riðils. Genk er með 3 stig eins og hin þrjú liðin í riðlinum.
Napoli vann fyrsta leik sinn í riðlakeppninni í ár með 3-o sigri á toppliði Legia Warsaw í C-riðli. Monaco sótti þrjú stig á útivelli gegn PSV í B-riðli og Lyon er áfram með fullt hús stiga í A-riðli eftir 4-3 sigur á Sparta Praha.
Úrslitin í seinni leikjum kvöldsins í Evrópudeildinni má sjá hér að neðan.
Frankfurt 3 – 1 Olympiakos
Lokomotiv Moscow 0 – 1 Galatasary
Napoli 3 – 0 Legia Warsaw
PSV 1 – 2 Monaco
Rangers 2 – 0 Brondby
Sparta Praha 3 – 4 Lyon
Sturm Graz 0 – 1 Real Sociedad
West Ham 3 – 0 Genk