Ari Freyr Skúlason, landsliðsmaður í knattspyrnu og leikmaður sænska liðsins Norrköping, virðist allt annað en sáttur við Morgunblaðið ef marka má færslu hans á samfélagsmiðlinum Twitter í dag.
Í Morgunblaði dagsins er Ari Freyr einn af þremur einstaklingum sem mynda þrífara vikunnar. Hinir tveir einstaklingarnir eru Sigríður Björg Tómasdóttir, almannatengill Kópavogsbæjar og Sólveig Anna Jónsdóttir, formaður Eflingar.
Spurning Ara Freys til Morgunblaðsins á Twitter er frekar einföld: ,,Hvað er að frétta?“ spyr Ari Freyr og merkir Twittersíðu Morgunblaðsins við færslu sína.
Þrífara vikunnar hjá Morgunblaðinu má sjá hér fyrir neðan:
@mblfrettir hvað er að frétta? pic.twitter.com/KjSwOAFEOV
— Ari Freyr Skulason (@Skulason11) October 21, 2021