Það má með sanni segja að hurð hafi skollið nærri hælum við heimili Paul Pogba, leikmanns Manchester United, fyrr í vikunni þegar að tré brotnaði og féll til jarðar nokkrum metrum frá 53 milljón króna Rolls Royce bifreið hans.
Grein er frá málinu á Daily Mail í dag þar sem að segir að eiginkona Pogba, Maria Zulay Salaues, hafi birt myndband af bílnum og trénu.
,,Þetta gerðist í nótt,“ skrifaði Maria við myndina sem hún birti á samfélagsmiðlum.
Miklir vindar hafa geysað um Manchesterborg í vikunni en bifreið Pogba virðist hafa sloppið nokkuð vel frá þessu. Það tæki leikmanninn rúma viku að vinna sér inn fyrir kaupverði bílsins en Pogba er með 290.000 pund í vikulaun hjá Manchester United eða því sem jafngildir 51.6 milljónum íslenskra króna.
