Steve Bruce hefur verið rekinn úr starfi knattspyrnustjóra Newcastle United. Þetta herma heimildir Sky Sports en Keith Downie, fréttamaður þeirra greinir frá þessu á samfélagsmiðlinum Twitter. Fréttirnar hafa nú verið staðfestar af Newcastle United.
Þetta eru fréttir sem búist hefur verið við síðan að nýjir eigendur tóku við eignarhaldi á félaginu.
Steve Bruce hefur verið knattspyrnustjóri Newcastle síðan árið 2019. Undir hans stjórn vann liðið 28 leiki, gerði 28 jafntefli og tapaði 41 leik. Liðið endaði í 12. sæti ensku úrvalsdeildarinnar tímabilið 2019-20 og 13. sæti tímabilið 2020-21. Bruce skilur við liðið í 19. sæti í ensku úrvalsdeildinni.
Ég er þakklátur þjálfarateymi mínu og leikmönnum fyrir vinnusemi sína. Við höfum farið í gegnum góða og slæma tíma saman allir hafa gefið allt sitt í þetta og ættu að vera stoltir. Þetta er félag með mikinn stuðning á bak við sig og ég vona að nýjir eigendur geti komið félaginu á staðinn sem það vill vera á. Ég óska öllum alls hins besta,“ segir Steve Bruce meðal annars í yfirlýsingu sem birt var af Newcastle United.
Graeme Jones, aðstoðarþjálfari Bruce, mun stýra liðinu um næstu helgi er Newcastle mætir Crystal Palace.
#NUFC can confirm that Steve Bruce has left his position as head coach by mutual consent.
The club would like to place on record its gratitude to Steve for his contribution and wishes him well for the future.
— Newcastle United FC (@NUFC) October 20, 2021
BREAKING: Newcastle United’s new owners have parted company with manager Steve Bruce #NUFC
— Keith Downie (@SkySports_Keith) October 20, 2021