Ítalska félagið Lazio hefur sagt Juan Bernabe, upp störfum fyrir það að hylla fyrrum einræðisherra Ítalíu, Benito Mussolini. The Athletic greinir frá.

Juan hefur það starf að hugsa um örn sem flýgur um heimavöll Lazio fyrir leiki liðsins.

Myndband sem fór í dreifingu á samfélagsmiðlum sína Juan Bernabe hrópa „duce,duce“ sem var gælunafn Mussolini á sínum tíma, þá vawr hann einnig myndaður við það að heilsa að fasista sið.

,,Eftir að við komumst á snoðir um myndband sem sýnir Juan Bernabe á þann vegu sem að misbýður okkur sem félagi, stuðningsmönnum okkar og þeim gildum sem við höfum sett okkur, hefur verið gripið til þeirra aðgerða að vísa honum úr starfi,“ segir meðal annars í tilkynningu frá Lazio