Patrick Vieira, þjálfari Crystal Palace, var að vonum svekktur fyrir hönd sinna manna í kvöld eftir að mark Alexandre Lacazette í uppbótartíma bjargað stigi fyrir Arsenal á Emirates vellinum.
Palace menn höfðu lent undir eftir átta mínútna leik en sneru leiknum sér í vil með tveimur mörkum í seinni hálfleik. Þeim tókst þó ekki að sigla sigrinum í höfn og eru því með 8 stig í 14. sæti.
„Við vorum svo nálægt því, en við höfum verið að segja þetta of oft undanfarið. Við verðun að læra af þessum leikjum. Ég er virkilega vonsvikinnn því liðið átti skilið að vinna leikinn eftir frammistöðuna í seinni hálfleik,“ sagði Frakkinn í viðtali við Sky Sport.
„Ég finn til með þeim, þeir sýndu hugrekki og karakter með því að koma til baka eftir að hafa lent marki undir og ég er vonsvikinn fyrir hönd leikmanna minna.
Við fengum á okkur þessi mörk úr fráköstum eftir föst leikatriði og við þurfum að vinna í því. Við verðum að bretta upp ermarnar og fórna okkur. Við vorum virkilega óheppnir í dag, svona er þetta en ég trúi því að það býr meira í þessu liði til að gera enn betur.“
