Srdjan Tufegdzic hefur framlengt samning sinn við Val til tveggja ára. Hann verður því áfram aðstoðarþjálfari meistaraflokks karla.
Túfa hefur verið í starfinu síðustu tvö ár. Orðrómur um að hann væri á förum hafði verið á fleygiferð.
Nú er ljóst að þessi öflugi þjálfari verður áfram við hlið Heimis á Hlíðarenda.
Valsmenn eru að stokka upp leikmannahóp sinn eftir erfitt tímabil en sama þjálfarateymi mun halda utan um hlutina. Túfa var áður þjálfari KA og Grindavíkur.