Vatnsbrúsinn sem Jordan Pickford, markvörður Everton hafði með sér inn á knattspyrnuvöllinn í leik Everton og West Ham United í ensku úrvalsdeildinni, vakti töluverða athygli knattspyrnuáhugamanna.
Á vatnsbrúsa sinn hafði Pickford límt á miða sem innihéldu upplýsingar um mögulegar vítaskyttur West Ham.
Leiknum lauk með 1-0 sigri West Ham en ekki kom til þess að leita til vatnsbrúsa síns fyrir ráð.
Þetta er þó aðferð sem hefur nýst markverðinu vel áður. England bar sigur úr býtum gegn Kólumbíu á Heimsmeistaramótinu 2018 en þá réðust úrslitin í vítaspyrnukeppni. Þá nýtti Pickford sér þessa aðferð einnig í úrslitaleik Evrópumótsins í sumar í tapi gegn Ítalíu.
