Gary Neville, fyrrverandi leikmaður Man Utd og núverandi knattspyrnuspekingur, gagnrýndi harðlega leikmenn United eftir 4-2 tap liðsins gegn Leicester á laugardag og sagði þá „láta eins og börn“ þegar þeir fá á sig mark.

Þetta var þriðja tapið í síðustu fimm leikjum liðsins. „Þetta United lið bregst mjög illa við að fá á sig mark, þeir láta svolítið eins og börn þegar þeir fá á sig mark og fara allir að gera hlutina upp á eigin spýtur. Þeir þenja brjóstkassann út þegar þeir skora og egóin taka völdin,“ sagði Neville í samtali við Sky Sports.

Neville gagnrýndi einnig leik liðsins án boltans og bar það saman við Manchester City og Liverpool.

„Það var mikil breyting á liðinu í seinni hálfleik. Sóknarleikur liðsins hélst óbreyttur en varnarleikurinn breyttist hins vegar algjörlega. Solskjaer hefur annað hvort sagt þeim að pressa framar á völlinn, á varnarmennina þrjá, eða þá að liðið hefur tákin málin í sínar eigin hendur.

United voru þungir á sér frá 50. mínútu, það voru holur alls staðar á vellinum. Það var engin ákefð í leiknum, þeir voru á gönguhraða, sérstaklega fremstu mennirnir, þeir halda að þeir séu betri en þeir eru.

Leikmenn Liverpool og Man City spretta. United voru svo opnir og óskipulagðir, það var engin tengin á milli fremstu manna og restina af liðinu. Þessir fimm fremstu, egóin, þessir heimsklassa leikmenn voru ekki í sambandi við fimm öftustu menn liðsins. United endaði á því að vera óþéttir fyrir og það var auðvelt fyrir Leicester að spila gegn þeim. Svo voru einstaklingsmistök, Maguire átti erfitt uppdráttar og svo var þá sambandsleysi í liðinu,“ sagði Neville að lokum.