Hubert Bruls, borgarstjóra Nijmegen, er brugðið eftir atburði helgarinnar sem áttu sér stað eftir leik NEC Nijmegen og Vitesse í hollensku úrvalsdeildinni.
Leiknum lauk með 1-0 útisigri Vitesse, eftir leik hópuðust leikmenn liðsins fyrir framan stuðningsmenn sína sem voru í þeim hluta stúkunnar á vellinum sem ætlaður er stuðningsmönnum gestaliðsins.
Stuðningsmennirnir sungu söngva og hoppuðu með þeim afleiðingum að stúkan gaf sig.
Hubert Bruls, borgarstjóri Nijmegen hefur kallað eftir því að hafin verði rannsókn á atvikinu því þó svo að engin hafi meiðst þá er atvikið alvarlegt og ljóst að verr hefði geta farið.
,,Til allrar hamingju sluppu allir óskaddaðir frá þessu en ég vil að þetta verði rannsakað svo við fáum skýringu fyrir þessu,“ sagði Hubert Bruls, borgarstjóri Nijmegen.
Þá hefur hollenska knattspyrnusambandið einnig kallað eftir því að atvikið verði rannsakað. Myndband af atvikinu má sjá hér fyrir neðan.
🚨⚽️ | NEW: A stand has collapsed in Vitesse’s away match to NEC pic.twitter.com/8VjM5JI7sD
— Football For All (@FootballlForAll) October 17, 2021
