Pep Guardiola, þjálfari Man City, segir að að hann geti ekki tryggt að Raheem Sterling fái meiri spilunartíma og að hann þurfi að berjast fyrir sæti sínu í liðinu eins og allir aðrir.
Sterling, sem er 26 ára gamall, sagði á dögunum að hann væri opinn fyrir því að spila erlendis en samningur hans hjá Man City rennur út árið 2023.
„Raheem er okkar leikmaður og vonandi verður hann gríðarlega mikilvægur leikmaður fyrir okkur,“ sagði Guardiola. „Sumir leikmenn vilja alltaf fá að spila en ég get ekki lofað neinum það.“
Guardiola sagði að leikmenn verði að „tala sínu máli á vellinum – ekki Raheem, allir þeirra.“
Sterling hefur einungis byrjað einn deildarleik fyrir Man City á tímabilinu. Koma Jack Grealish til félagsins frá Aston Villa í sumar hefur takmarkað leiktíma Sterling en meiðsli Ferran Torres gætu veitt Sterling tækifæri í byrjunarliðinu á nýjan leik.
„Þeir (leikmennirnir) verða að vera ánægðir að vera hérna,“ sagði Guardiola. „Þeir verða að vera hamingjusamir hjá félaginu. Ef svo er ekki, þá er þeim frjálst að taka þá ákvörðun sem er best fyrir þá.“
„Ég skil þetta ekki fullkomlega. Ég var leikmaður sjálfur og vildi alltaf fá að spila, svo þetta er engin undantekning. Ekki bara Raheem, allir vilja spila 90 mínútur, alla leiki en ég get ekki veitt þeim það.
Þeir verða að bæta sig á hverri æfingu og á vellinum og reyna að vera hamingjusamir.“