Tveir leikmenn Tottenham hafa greinst með kórónuveiruna. Þeir fara nú í tíu daga einangrun.
Tottenham mætir Newcastle í ensku úrvalsdeildinni á sunnudaginn. Vonast er til þess að smit leikmannanna tveggja, sem eru ekki nefndir á nafn í frétt Sky Sports, verði ekki til þess að fleiri leikmenn þurfi að fara í sóttkví eða einangrun.
Leikmennirnir æfðu þó með liðinu á fimmtudag.
Leikurinn fer fram klukkan 15:30 á sunnudag. Þetta verður fyrsti leikur Newcastle eftir að opiner fjárfestingasjóður Sádí-Arabíu keypti félagið.
Það verður þó erfitt fyrir eigendurna að hafa strax bein áhrif á liðið innan vallar. Þeir geta auðvitað ekki keypt nýjar stjörnur til félagsins fyrr en vetrarfélagaskiptaglugginn opnar í janúar.