Þróttur Vogum reyndi ítrekað að fá Elísabetu Gunnarsdóttur til að taka við liðinu áður en hún skrifaði undir nýjan samning við Kristianstad í dag. Þetta herma heimildir Fótbolta.net.
Þróttarar leika sem nýliðar í Lengjudeild karla á næstu leiktíð eftir að hafa unnið 2. deild síðasta sumar.
Liðið er í leit að nýjum þjálfara eftir að Hermann Hreiðarsson hvarf á braut og tók við ÍBV á dögunum.
Elísabet skrifaði undir nýjan eins árs samning við Kristianstad í gær og verður því ekki þjálfari Þróttar þrátt fyrir metnaðarfulla tilraun.
Þá var sagt frá því í hlaðvarpsþættinum Dr. Football í dag að Heimir Hallgrímsson og Ágúst Gylfason hafi einnig verið á óskalista Þróttar.
Ágúst tók við þjálfun Stjörnunnar í dag eftir að hafa stýrt Gróttu undanfarin tvö tímabil. Heimir er án starfs eftir að hafa yfirgefið Al Arabi í Katar.