Sol Bamba, varnarmaður Middlesbrough, hefur gefið David Brooks, leikmanni Bournemouth heilræði en Brooks greindis með eitilfrumukrabbamein á dögunum.
Sol Bamba, greindist sjálfur með eitilfrumukrabbamein í desember á síðasta ári, hann gekkst undir lyfjameðferð og er nú laus við meinið og bryjaður að spila aftur. Sol segir að Brooks, sem er 24 ára gamall, eigi ekki að kenna sér um þetta.
„Ég sagði við sjálfum mig að það væri ekki mér að kenna að ég væri að greinast með krabbamein, að ég hefði ekki gert neitt rangt. Ekki hugsa um að það að hafa gert hlutina öðruvísi hefði hjálpað. Þetta snýst ekki um það,“ segir Sol Bamba í viðtali sem birtist hjá The Athletic.
,,Þetta verður sjokk fyrir David eins og þetta var sjokk fyrir mig. Flestir telja að þetta muni ekki henda sig, ég var þannig. Ég er hraustur einstaklingur, hef verið knattspyrnumaður í áraraðir, borðað vel og hugsa vel um sjálfan mig,“ sagði Sol Bamba í viðtali hjá The Athletic.