Lengjudeildarliðið Vestri tilkynnti í hádeginu að þjálfarinn Jón Þór Hauksson verði áfram við stjórnvölinn hjá liðinu. Jón Þór tók við liðinu um mitt síðasta tímabil, stýrði liðinu í 5. sæti Lengjudeildarinnar og í undanúrslit Mjólkurbikarsins.
Samúel Sigurjón Samúelsson, formaður meistaraflokksráðs Vestra er ánægður með að hafa náð að halda Jóni fyrir vestan.
,,Við erum gífurlega ánægð með að hafa náð að ganga frá samningi við Jón Þór, þetta er búið að taka langan tíma. Jón hefur verið frábær síðan að hann kom til okkar í sumar. Það er þægilegt að vinna með honum, hann er frábær manneskja og þjálfari.
Samúel kemur á óvart að önnur lið í efstu deild skildu ekki reyna að klófesta Jón eftir tímabilið.
,,Það er mér borin von að skilja að hann sé að fara þjálfa Vestra áfram.Ef ég hefði verið við stjórnina hjá félögum í efstu deild þá hefði ég stokkið á hann.
Vestri náði einnig að framlengja tvo samninga við lykilmenn sína. Daninn Nico Madsen og Spánverjinn Nacho Gil verða áfram hjá félaginu.
Við gætum hugsanlega ekki farið glaðari inn í helgina!
Eruði að sjá þetta? 😍😍😍 #fotboltinet pic.twitter.com/ZsB12FAkUa— Vestri – Fótbolti (@VestriF) October 15, 2021