Arséne Wenger, fyrrverandi knattspyrnustjóri Arsenal líkir endalokum sínum hjá félaginu við jarðarför í nýrri heimildarmynd sem kemur út þann 11. nóvember næstkomandi. Wenger var við stjórnvölinn hjá félaginu í 22 ár.
Undir stjórn Wenger vann Arsenal, ensku úrvalsdeildina í þrígang og vann enska bikarinn sjö sinnum og náði. Þá komst náði hann að setja saman lið sem komst ósigrað í gegnum tímabil í ensku úrvalsdeildinni. En árangurinn lét á sér standa undir lok tíma hans hjá félaginu og að lokum var hann neyddur til þess að stíga til hliðar árið 2018.
„Endalokunum má líkja við jarðarför,“ segir Wenger í heimildarmyndinni. ‘Wenger burt‘ söngvar voru reglulega sungnir á Emirates Stadium, heimavelli Arsenal, undir endalok hans hjá félaginu. Wenger vildi skilja við félagið þannig að væri á uppleið en hann lýsir meðferðinni á sér undir lok stjóratíðar sinnar í Lundúnum sem óvægum og erfiðum.
Dennis Bergkamp, fyrrum framherji Arsenal er einn af viðmælendunum í heimildarmyndinni og hann segir að Wenger hafi verið of lengi hjá Arsenal. Það hefði verið auðveldara ef hann hefði stígið frá borði fyrr og tekið ákvörðunina sjálfur.
Wenger segir fótboltann vera fíkn hjá sér, hann vildi alltaf meira og meira sem varð til þess að hann var það sem hann kallar ‘ómennskur’ á tímabili.
Heimildarmyndin um stjóratíð Arséne Wenger hjá Arsenal verður aðgengileg á streymisveitu Amazon þann 11. nóvember næstkomandi.