Fjórum leikjum er lokið í Meistaradeild kvenna í dag.
Bayern vann stórsigur á Hacken fyrr í dag. Schuller skoraði tvö mörk snemma leiks og Dallmann og Damnjanovic bættu við sitthvoru markinu í seinni hálfleik. Glódís Perla var í byrjunarliði Bayern í dag en Karólína kom inn á þegar 10 mínútur voru eftir af venjulegum leiktíma. Þá kom Diljá Ýr inná fyrir Hacken undir lok leiks.
Barcelona vann Koge 2-0. Mörkin skoruðu Rolfö á 62. mínútu og Hermoso gulltryggði sigurinn með marki úr vítaspyrnu í lok uppbótartíma. Arsenal sigraði Hoffenheim örugglega með fjórum mörkum gegn engu en Little, Heath, Miedema og Williamson skoruðu mörk enska liðsins.
Loks valtaði Lyon yfir Benfica. Buchanan gerði tvö mörk og van de Donk, Malard og Macario skoruðu hin þrjú. Cloé Lacasse var á sínum stað í byrjunarliði Benfica.
Bayern 4 – 0 Hacken
1-0 Schuller (‘8 )
2-0 Schuller (’11 )
3-0 Dallmann (’70 )
4-0 Damnjanovic (’90 )
Koge 0 – 2 Barcelona
0-1 Rolfö (’62 )
0-2 Hermoso (’90+5 )
Arsenal 4 – 0 Hoffenheim
1-0 Little (´21)
2-0 Heath (´45+1)
3-0 Miedema (´51)
4-0 Williamson (´86)
Lyon 5 – 0 Benfica
1-0 Buchanan (´29)
2-0 D. van de Donk (´31)
3-0 Malard (´53)
4-0 Macario (´56)
5-0 Buchanan (´63)