Real Madrid hefur á nýjan leik sett fullan kraft í það að sannfæra Paul Pogba um að koma til félagsins næsta sumar. AS segir frá.
Samningur Pogba við United rennur út á næsta ári og hann getur því farið frítt til Real Madrid hafi hann áhuga á.
AS segir að Real Madrid sé nú að setja fullan þunga í að krækja í Pogba. Hann hefur lengi verið á óskalista félagsins.
Real Madrid vonast til þess að fá Pogba og samlanda hans Kylian Mbappe á frjálsri sölu næsta sumar. Er það liður í því að byggja upp nýtt lið.
United hefur boðið Pogba nýjan samning og er enn sú von í félaginu um að franski miðjumaðurinn muni á endanum krota undir nýjan samning.