Harry Kane, framherji Tottenham og fyrirliði enska landsliðsins, hefur trú á sjálfum sér þrátt fyrir að hafa ekki skorað í deildinni fyrir Spurs það sem af er tímabils.
Kane var tekinn af velli í seinni hálfleik í 1-1 jafntefli Englands og Unverjalands á þriðjudag.
„Eins og ég segi að þá hafa frammistöðurnar fyrir félags- og landsliðið kannski ekki alveg verið nógu góðar undanfarnar vikur en það er engin ástæða til að örvænta,“ sagði Kane eftir leikinn gegn Ungverjalandi. „Ég hef trú á sjálfum mér, trú á liðunum sem ég spila með og þannig er það.
Ég er á góðum stað. Ég veit að það hefur verið mikið rætt um mig. Þegar uppi er staðið hef ég samt skorað níu mörk á tímabilinu og ég legg mig allan fram fyrir liðið svo þegar ég fæ færi þá er ég fullviss um að ég nýti þau.
Það er eðlilegt að fólk hugsi svoleiðis. Allir eiga rétt á sinni skoðun. Þegar allt kemur til alls er ég gagnrýnni á mig en ég sjálfur. Ég set mikla presssu á sjálfan mig að standa mig vel. Ég verð að halda áfram að vinna hart að mér.
Þetta var í fyrsta sinn í 15 leikjum í undankeppni HM þar sem ég skora ekki. Það er ekki heimsendir. Allir sem þekkja mig vita að ég er alltaf fullur sjálfstraust þegar ég spila og ég verð reiðubúinn fyrir næsta leik.
En ég legg mig alltaf 110% fram þegar ég spila með félags- og landsliðinu,“ sagði Kane að lokum