Benjamin Mendy, bakvörður Manchester City, verður ekki látinn laus gegn tryggingu áður en mál hans verður tekið fyrir í dómssal.
Mendy hefur verið ákærður fyrir þrjár nauðganir sem tengdust atviki í október árið 2020, kynferðisbrot sem er frá janúar á þessu ári og eina nauðgun til viðbótar sem teygir anga sína til ágústmánaðar á þessu ári. Hann var handtekinn í ágúst síðastliðnum og hefur verið í gæsluvarðhaldi undanfarnar sjö vikur. The Athletic greinir frá.
Þetta er í þriðja skipti sem Mendy er neitað þeirri beiðni að vera látinn laus gegn tryggingu en búist er við því að mál hans verði tekið fyrir í janúar á næsta ári