Hannes Þór Halldórsson er gapandi hissa á framgöngu forráðamanna Vals. Hann ræddi málið við K100 í dag en þar kom fram að Heimir Guðjónsson hefur ekki áhuga á að hafa hann hjá félaginu.
Fréttir þess efnis fóru að berast í lok móts þegar ljóst var að Valur væri að semja við Guy Smit markvörð Leiknis. Heimir hefur tjáð Hannesi að hann sé ekki í plönum hans.
„Ég get alveg sagt eins og er og sagt hlutina eins og þeir eru. Ég veit að þjálfarinn vill ekki hafa mig hjá félaginu og ég hef hvorki heyrt hóst né stunu frá félaginu síðan mér var tilkynnt það. Ég veit ekki hvers vegna eða hvernig menn hyggjast leysa þá stöðu. Ég er steinhissa á þessari stöðu.“ sagði Hannes á K100.
Hannes segist ekki hafa fengið neinar nánari útskýringar á málinu. „Þessu fylgdi ekki neinar skýringar. Nú get ég ekki verið með fabúleringar hvað er að gerast á skrifstofunni þarna uppfrá. Ég hafði ekki neinn hug á að hætta. Ég er samningsbundin en nú er komið upp mál sem er í einhverjum hnút.“
Hannes veit ekki hvernig málið leyist. Þessi besti markvörður er hissa á framgöngu félagisns. „Ég veit ekki hvernig á að leysa þetta vegna þess að ég heyri ekki neitt. Eina sem ég veit er að þjálfarinn hyggst ekki nota mig en það er ákveðin pattstaða sem er komin upp. Ég á eitt ár eftir af samningi og hafði ekkert hugsað mér að hætta í fótbolta og sérstaklega ekki svona. Ég sit og bíð. Fyrsta æfing hjá Val er 10. nóvember og ég er bara að fara að mæta á hana.“
„Það hefur ekki verið mikið. Ég er bara að giska og fólk veit kannski ekkert hver staðan er. Mér fannst frammistaðan persónulega góð hjá mér í sumar og við vorum nálægt því fram að síðasta hluta mótsins að verða Íslandsmeistarar.“
Viðtalið má heyra hér að neðan.