England tók á móti Ungverjalandi í leik liðanna á undankeppni HM í kvöld. Leikið var á Wembley leikvangnum í London.

Ungverjaland náði óvænt forystunni á 24. mínútu með marki úr vítaspyrnu eftir að Luke Shaw var dæmdur brotlegur. Roland Sallai fór á punktinn og sendi Jordan Pickford í vitlaust horn.

Miðvörðurinn John Stones jafnaði metin 13 mínútum síðar en lengra komust Englendingar ekki og lokatölur 1-1. Englendingar er efstir í I-riðlinum með 20 stig eftir 8 umferðir. Ungverjar eru í 4. sæti með 11 stig, sex stigum á eftir Póllandi í 2. sæti.

Portúgal lagði þá Luxemborg af velli 5-0. United mennirnir Bruno Fernandes og Cristiano Ronaldo komust báðir á blað í leiknum en Ronaldo skoraði þrennu. Portúgal er í 2. sæti A-riðils með 16 stig, einu stigi á eftir Serbíu í 1. sæti. Lúxemborg er í 3. sæti með sex stig.

Danmörk tryggði sér sæti á HM á næsta ári með 1-0 sigri á Austurríki þar sem Joakim Mæhle skoraði eina mark leiksins. Svíar eru einnig á toppnum í sínum riðli eftir 2-0 sigur á Grikkjum þar sem Emil Forsberg og Alexander Isak skoruðu mörkin.

Úrslit kvöldsins:

Portúgal 5 – 0 Lúxemborg

Serbía 3 – 1 Aserbaijdsan

B-riðill:

Kósóvó 1 – 2 Georgía

Svíþjóð 2 – 0 Grikkland

C-riðill:

Búlgaría 2 – 1 Norður Írland

Litháen 0 – 4 Sviss

D-riðill:

Kasakstan 0 – 2 Finnland

Úkraína 1 – 1 Bosnia Herzegovina

F-riðill:

Danmörk 1 – 0 Austurríki

Færeyjar 0 – 1 Skotland

Ísrael 2 – 1 Moldóva

I-riðill:

Albanía 0 – 1 Pólland

England 1 – 1 Ungverjaland

San Marínó 0 – 3 Andorra