Diogo Jota er mættur aftur til Liverpool borgar eftir að hafa meiðst með Portúgal í landsleikjaglugganum sem nú stendur yfir.

Portúgalinn er nú talinn í hættu á að missa af leik Liverpool gegn Watford um næstu helgi. Jota var ekki í liðinu er Portúgal vann 3-0 sigur á Katar á laugardag og verður ekki með með liðinu gegn Lúxemborg á undakeppni HM á þriðjudag.

Það er óljóst hvenær Jota leikur aftur með Liverpool en þeir Trent-Alexander Arnold, Thiago Alcantara og Curtis Jones er ekki orðnir alveg heilir heldur.

Alexander-Arnold og Thiago misstu báðir af síðasta leik Liverpool gegn Man City en Jones lék þó með u-21 árs liði Englands í 1-0 sigrinum á Andorra á mánudag.

Þá liggur ekki ljóst fyrir hvort að þeir Alisson Becker og Fabinho, sem leika með Brasilíu gegn Úrúgvæ á undankeppni HM á föstudagsmorgun, verði til taks þegar að Liverpool mætir Watford á laugardag.